दक्षिण भारतीय अभिनेता जुनियर एनटीआरको फिल्म 'देवरा- पार्ट १' जापानमा रिलिज हुने भएको छ।
यो फिल्म २८ मार्चदेखि जापानमा रिलिज हुनेछ। फिल्मको प्रमोशनको लागि अभिनेता जुनियर एनटीआर २२ मार्चमा जापान जानेछन्।
जापानमा एनटीआरको निकै राम्रो फ्यान फलोइङ छ। यसअघि जुनियर अभिनीत फिल्म 'आरआरआर' रिलिज भएको थियो। 'देवरा- पार्ट १' को लागि पनि दर्शकहरू उत्साहित छन्।
'देवरा- पार्ट १' लाई कोराताला शिवाले निर्देशन गरेका हुन्। फिल्मले भारतबाट ४०८ करोड भारू कमाएका थिए। फिल्ममा जुनियर एनटीआरले दोहोरो भूमिका निर्वाह गरेका छन्। फिल्ममा जुनियर एनटीआरसँगै जान्हवी कपूर, सैफ अली खानको मुख्य भूमिका छ।
यो एक एक्सन ड्रामा फिल्म हो। यसको दोस्रो पार्ट बन्दैछ।
