बलिउड अभिनेता आमिर खानको सुपरहिट फिल्म हो 'तारे जमीन पर'।
यस फिल्मले दर्शकको मात्र नभई समीक्षकको पनि मन जितेको थियो। तर यस फिल्ममा आमिर खान पहिलो रोजाइ थिएनन्।
निर्माता अमोल गुप्तेले फिल्मका लागि अक्षय खन्नालाई छनोट गरेका थिए। अक्षयले भारतीय सञ्चारमाध्यम मिड डेसँग कुराकानी गर्दै उक्त कुरा खुलासा गरेका हुन्।
'अमोलले आमिरसँग मलाई फिल्मको कथा सुनाउन चाहेको बताएका थिए। आमिर र म साथी थियौं तर अमोलसँग मेरो सम्पर्क थिएन। आमिरले मलाई फिल्मको कथा सुनाउनु राम्रो लाग्यो भने अक्षयलाई भन्छु भनेका थिए। तर उनलाई फिल्मको कथा यति धेरै मन पर्याे कि उनले आफैले साइन गरे,' उनले भने।
