बलिउड अभिनेता सञ्जय दत्तलाई दर्शकले खुब रूचाउँछन्।
केही फ्यान यस्ता हुन्छन् उनीहरू मनपर्ने कलाकारको लागि जे पनि गर्न तयार हुन्छन्। यस्तै एक फ्यानले अभिनेता सञ्जय दत्तको नाममा आफ्नो ७२ करोड भारू छाडेकी थिइन्। यो मामिला सन् २०१८ को हो। निशा पाटिलले मर्नुअघि आफ्नो सबै सम्पत्ति सञ्जय दत्तको नाममा गरेकी थिइन्।
सञ्जय यस्तो फ्यानको बारेमा जानकारी पाउँदा अचम्ति भएका थिए। सञ्जयलाई त्यसबेला प्रहरीले फोनमार्फत जानकारी दिएका थिए। निशाले बैंकलाई पत्र लेखेर सम्पत्ति हस्तान्तरण प्रक्रिया सुरू गर्न बताएकी थिइन्। तर सञ्जयले उक्त सम्पत्ति लिन अस्वीकार गरेका थिए।
सञ्जयले बलिउडमा मात्र नभई दक्षिण भारतीय फिल्ममा पनि आफ्नो पहिचान बनाएका छन्। उनी आगामी फिल्म 'वेलकम ३' मा देखिनेछन्।