बलिउड अभिनेता सलमान खानको फिल्म 'सिकन्दर' को टिजर सार्वजनिक गरिएको छ।
शनिबार नाडियाडवाला ग्रान्डसन युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा सलमान खानको एक्सनलाई देखाइएको छ।
एआर मुरूगदासले निर्देशन गरेको फिल्ममा साजिद नाडियाडवालाको लगानी छ। फिल्ममा सलमानसँगै रश्मिका मन्दना, काजल अग्रवाल, सत्यराज, प्रतीक बब्बरलगायत कलाकारको अभिनय छ।
यो फिल्म २०२५ को इदमा रिलिज हुनेछ।
