यतिबेला अमेरिका, भारत र नेपालका सिनेमा हलमा एउटै फिल्मको चर्चा छ- पुष्पाः द रूल। दोस्रो सातामा पनि फिल्मले हलहरूमा दर्शक तान्न छाडेको छैन।
'पुष्पा' को सफलतामा अभिनेता अल्लू अर्जुनको पनि मुख्य भूमिका छ। संसारभर लाखौं प्रशंसक रहेका अल्लूलाई पनि 'पुष्पा' फलिफाप भएको छ।
तेलेगू भाषाका चर्चित स्टार अल्लु महँगा स्टारसमेत हुन्। भारतीय सञ्चारमाध्यम कोइमोइका अनुसार उनीसँग ४६० करोड भारूभन्दा बढी सम्पत्ति छ। अल्लु बस्ने घरको मूल्य नै सय करोड भारूभन्दा बढी पर्छ। उनको हैदराबादमा हेल्थ केयर सेन्टर पनि छ।
त्यस्तै उनले निकै महँगा सामानहरू पनि किनेका छन्। उनीसँग ४ करोड ३ लाख भारू पर्ने रेन्ज रोभर भोग, १ करोड ३५ लाख भारूभन्दा बढी पर्ने भोल्भो एक्ससी ९० टि ८, १ करोड २ लाख भारू पर्ने जगुआर एक्सजेएल, ९२ लाख भारूबढी पर्ने बिएमडब्लु एक्स ६ एम र ७५ लाख भारूभन्दा बढी पर्न हमर एचटु गाडी छ।
यसबाहेक उनीसँग ८० करोड पर्ने प्राइभेट जेट र फाल्कन ब्रान्डको ७ करोड भारू पर्ने भ्यानिटी भ्यान पनि छ।
उनी महँगो पारिश्रमिक लिने भारतीय अभिनेता हुन्। उनले पुष्पा २ का लागि ३०० करोड भारू लिएका छन्।
उनी १२ कम्पनीका ब्रान्ड एम्बेस्डर समेत हुन्। उनी एउटा कम्पनीको प्रमोशन गरेको १० करोड भारू पारिश्रमिक लिन्छन्।
