चर्चित भारतीय रियालिटी शो 'बिग बोस १८' को प्रसारण आइतबारदेखि सुरू भएको छ।
आइतबार राति ९ बजे शोको ग्राण्ड प्रिमियर थियो। तर प्रिमियर सुरू हुनुअघि नै अभिनेत्री निया शर्मा शोमा सहभागी नहुने खबर बाहिरिएको थियो। उनले सामाजिक सञ्जालमार्फत उक्त खुलासा गरेकी हुन्।
'मैले तपाईहरूलाई निराश बनाएकोमा सबै फ्यान र शुभचिन्तकहरूसँग माफी माग्न चाहन्छु। तपाईहरूको समर्थन देखेर म सधैं खुशी हुन्छु। तपाईको माया र पागलपनले मलाई घरभित्र जान बाध्य बनायो। तपाईंले मलाई गत १४ वर्षमा मैले के कमाएँ भनेर महसुस गराउनुभयो। म भन्न चाहन्न कि मैले रमाइलो गरिनँ। तर कृपया मलाई दोष नदिनुहोस्। त्यो म थिइनँ,' उनले भनिन्।
निया यस शोमा प्रतिस्पर्धी नहुने भएपनि उनी केही दिनका लागि अतिथि बनेर प्रवेश गर्नेछिन्।
'खतरों के खिलाडी' को फिनालेबाट निया बिग बोसमा जाने चर्चा भएको थियो। रोहित शेट्टीले फिनालेको स्टेजमा यस सिजनका फाइनल प्रतियोगिमध्ये एक 'बिग बोस' मा जानेछन् भनेर घोषणा गरेका थिए।
नियाले 'नागिन ४', 'जमाई राजा' र 'इश्क मे मरजावान' जस्ता टेलिसिरियलमा काम गरिसकेकी छन्।
