बलिउड अभिनेता अजय देवगनको फिल्म 'सिंघम ३' चर्चामा छ।
भारतीय सञ्चारमाध्यम पिंकभिलाका अनुसार निर्देशक रोहित शेट्टीले 'सिंघम अगेन' बाट २०० करोड भारू कमाएका छन्। यो कमाइ उनले फिल्मको नन-थिएट्रिकल डिलबाट पाएका हुन्। यो फिल्मले टिभीबाट ठूलो डिल पाएको छ। फिल्मले म्युजिक सेटलाइट र डिजिटल राइट्सबाट २०० करोड भारू कमाएको हो।
फिल्ममा अजय देवगन, रणवीर सिंह, अक्षय कुमार, दीपिका पादुकोण, करीना कपूर खान, टाइगर श्राफ, अर्जुन कपूर, टाइगर श्राफलगायत कलाकारको अभिनय छ।
यो फिल्म दिवालीको अवसर पारेर प्रदर्शन हुने भएको छ।
यो फिल्म 'सिंघम' को तेस्रो भाग भने रोहित शेट्टीको कप युनिभर्सको पाँचौ फिल्म हो। यसअघि उनको कप युनिभर्सको फिल्म 'सिंघम, सिंघम रिटर्न्स, सिम्बा र सूर्यवंशी' प्रदर्शन भइसकेका छन्।
