सन् १९९७ मा प्रदर्शन भएको फिल्म 'बोर्डर' लाई दर्शकले खुब रूचाए। फिल्मलाई जेपी दत्ताले निर्देशन गरेका थिए।
फिल्ममा सनी देओल, सुनील शेट्टी, ज्याकी श्राफ, अक्षय खन्ना, पुनीत इस्सर, सुदेश बेरी, कुलभूषण खरबन्दालगायत कलाकारको अभिनय थियो। अब २७ वर्षपछि यस फिल्मको सिक्वेल बन्ने भएको छ।
अनुराग सिंहले निर्देशन गर्ने फिल्ममा सनी देओल मुख्य भूमिकामा देखिनेछन्। यस फिल्ममा वरूण धवन र दिलजीत दोसाँझको पनि अभिनय रहने छ। यसैबीच फिल्ममा अर्का अभिनेता अनुबन्धित भएका छन्। फिल्ममा सुनील शेट्टीका छोरा अहान शेट्टी अनुबन्धित भएका छन्।
फिल्मको पहिलो पार्टमा सुनील शेट्टीले भैरव सिंहको भूमिका निर्वाह गरेका थिए।
'बोर्डर २' सन् २०२६ जनवरी २३ देखि प्रदर्शन हुनेछ।
