भारतीय अभिनेता रजनीकान्तको फिल्म 'वेट्टैयन' को ट्रेलर सार्वजनिक भएको छ।
बुधबार सोनी म्युजिक इन्डिया युट्युब च्यानलमार्फत फिल्मको ट्रेलर सार्वजनिक गरिएको हो।
टिजे ज्ञानवेलले निर्देशन गरेको फिल्म 'वेट्टैयन' मा रजनीकान्त एक पुलिस अधिकारीको भूमिकामा देखिएका छन्। फिल्ममा उनीसँगै अमिताभ बच्चन, फहद फासिल, राणा दग्गुबाती, मञ्जु वारियर, रितिका सिंह, दुशरा विजयनलगायत कलाकारको मुख्य भूमिका छ।
लाइका प्रोडक्सनले निर्माण गरेको फिल्ममा अनिरूद्ध रविचन्दरको संगीत छ। एसआर कथिरले छायांकन गरेको फिल्मलाई फिलोमिन राजले सम्पादन गरेका हुन्।
यो फिल्म अक्टोबर १० देखि प्रदर्शन हुनेछ। यो फिल्म तमिल, तेलुगु, हिन्दी र कन्नड भाषामा रिलिज हुनेछ।
