दक्षिण भारतीय अभिनेता जुनियर एनटिआर र अभिनेत्री जान्हवी कपूर अभिनीत फिल्म 'देवरा' ले बक्स अफिसमा राम्रो कमाइ गरिएको छ।
भारतीय सञ्चारमाध्यम इन्डिया टुडेका अनुसार फिल्मले तीन दिनमा विश्वभरबाट २७५ करोड भारू कमाएको छ। भारतमा मात्रै फिल्मले १६२ करोड भारू कमाएको छ।
८२ करोड ५० लाख भारूमा ओपनिङ गरेको फिल्मले दोस्रो दिनमा ४० करोड र तेस्रो दिन ४० करोड ३० लाख भारू कमाएको हो।
कोरताला शिवा निर्देशित फिल्ममा एनटिआर र जान्हवीसँगै श्रुति मराठे, प्रकाश राज, श्रीकान्त, सैफ अली खानलगायत कलाकारको अभिनय छ। यसै फिल्मबाट जान्हवीले दक्षिण भारतीय फिल्ममा डेब्यू गरेकी हुन्।
