इन्टरनेशनल इन्डियन फिल्म एकेडमी अवार्ड भारतीय फिल्म क्षेत्रका लागि प्रतिष्ठित अवार्ड समारोह मध्ये एक हो।
२७ सेक्टेम्बरदेखि अबु धाबीमा सुरू भएको आइफा अवार्डको पहिलो दिन दक्षिण भारतीय फिल्मको नाममा रह्यो। पहिलो दिन तमिल, तेलुगु, मलयालम र कन्नड फिल्मका कलाकारलाई सम्मानित गरिएको थियो।
२८ सेक्टेम्बरमा आयोजित आइफा अवार्डमा उत्कृष्ट अभिनेताको अवार्ड शाहरूख खानले फिल्म 'जवान' बाट हात पारे। त्यस्तै उत्कृष्ट अभिनेता नकारात्मक भूमिकाका लागि बबी देओलले फिल्म 'एनिमल' बाट पाए।
शाहरूख खान र बबी देओलले उत्कृष्ट अभिनेताको अवार्ड पाएपछि रणवीर कपूरका फ्यान आक्रोशित भएका छन्। उनीहरूले उत्कृष्ट अभिनेताको अवार्ड रणवीर कपूरले पाउनु पर्ने बताएका छन्।
एक सामाजिक सञ्जाल प्रयोगकर्ताले लेखेका छन्, 'शाहरूख खानले होस्ट गरेपछि उत्कृष्ट अभिनेताका अवार्ड पाए। यो अवार्डको लायक त विक्रान्त मासे या रणवीर कपूर थिए।'
२८ सेक्टेम्बरमा रणवीरले ४२ औं जन्मदिन मनाएका छन्।
