रानी मुखर्जी अभिनीत फिल्म 'मर्दानी' ले दर्शकलाई भरपूर मनोरञ्जन दिएको थियो।
पुलिस अफिसर शिवानी शिवाजी रायको भूमिकामा रानीले आफ्नो दमदार प्रस्तुति दिएकी थिइन्। यसको दुई संस्करणले बक्स अफिसमा सफलता हासिल गरेको थियो।
भारतीय सञ्चारमाध्यम बलिउड हंगामाका अनुसार 'मर्दानी' ले ३५ करोड ८२ लाख भारू कमाएको थियो भने 'मर्दानी २' ले ४७ करोड ५७ लाख भारू कमाएको थियो।
यशराज ब्यानरबाट बनेको फिल्म 'मर्दानी' को आज १० औं वर्षगाँठ हो। यसै अवसरमा निर्माण टिमले 'मर्दानी च्याप्टर ३' को घोषणा गरेका छन्।
अभिनेत्री रानी पछिल्लो समय 'मिसेज चटर्जी भर्सेस नर्वे' मा देखिएकी थिइन्।
