'रेस' शृंखलालाई बलिउडको राम्रो र धेरै मन पराउने फिल्म मानिन्छ।
अहिलेसम्म फिल्मको तीन पार्ट प्रदर्शन भइसक्यो। २ वटा शृंखलामा सैफ अली खानले मुख्य भूमिका निर्वाह गरेका थिए। तेस्रो शृंखलामा सलमान खान मुख्य भूमिकामा देखिएका थिए। तर दर्शकले यस शृंखलालाई खासै रूचाएनन्। अब चौथो पार्ट बन्ने बताइएको छ।
भारतीय सञ्चारमाध्यम दैनिक जागरणका अनुसार यसको चौथो पार्टमा सैफ अली खान फर्किने भएका छन्। हालसम्म फिल्मको नाम तय भएको छैन। 'रेस रिबुट' नाम दिएर फिल्मको काम अगाडि बढाइएको छ।
सन् २००८ मा प्रदर्शन भएको 'रेस' मा सैफ अली खान, अक्षय खन्ना र अनिल कपूरको मुख्य भूमिका थियो। त्यस्तै सन् २०१३ मा प्रदर्शन भएको 'रेस २' मा सैफ अली खान, अनिल कपूर र जोन अब्राहमको मुख्य भूमिका थियो।
सन् २०१८ मा प्रदर्शन भएको फिल्म 'रेस ३' मा सलमान खान, बबी देओल र साकिब सलीमको मुख्य भूमिका थियो।
