बलिउड अभिनेता राजकुमार राव र अभिनेत्री श्रद्धा कपूर अभिनीत फिल्म 'स्त्री २' दुई सय करोड क्लबमा सामेल भएको छ।
हिन्दी फिल्म बजार विश्लेषक तरण आदर्शका अनुसार ४ दिनमा फिल्म दुई सय करोडमा सामेल भएको हो। फिल्मले चार निदमा २०४ करोड भारू कमाएको छ।
यो फिल्म बुधबार रातिदेखि प्रदर्शन भएको थियो फिल्मले बुधबार ९ करोड ४० लाख कमाएको थियो भने पहिलो दिन ५५ करोड ४० लाख, दोस्रो दिन ३५ करोड ३० लाख, तेस्रो दिन ४५ करोड ७० लाख र चौथो दिन ५८ करोड २० लाख भारू कमाएको हो।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
सन् २०१८ मा प्रदर्शन भएको फिल्ममा श्रद्धाले भूतनीको भूमिका निर्वाह गरेकी थिइन्।
