भारतीय अभिनेता रजनीकान्तको फिल्म 'वेट्टैयन' को प्रदर्शन मिति घोषणा गरिएको छ।
सोमबार एक पोस्टर सार्वजनिक गर्दै फिल्मको प्रदर्शन मिति घोषणा गरिएको हो। यो फिल्म अक्टोबर १० देखि प्रदर्शन हुनेछ।
यो फिल्म तमिल, तेलुगु, हिन्दी र कन्नड भाषामा रिलिज हुनेछ। यो फिल्म दक्षिण भारतीय अभिनेता सुर्याको फिल्म 'कंगुवा' सँग भिड्दैछ।
टिजे ज्ञानवेलले निर्देशन गरेको फिल्म 'वेट्टैयन' मा रजनीकान्त एक पुलिस अधिकारीको भूमिकामा देखिनेछन्। फिल्ममा उनीसँगै अमिताभ बच्चन, फहद फासिल, राणा दग्गुबाती, मञ्जु वारियर, रितिका सिंह, दुशरा विजयनलगायत कलाकारको मुख्य भूमिका छ।
लाइका प्रोडक्सनले निर्माण गरेको फिल्ममा अनिरूद्ध रविचन्दरको संगीत छ। एसआर कथिरले छायांकन गरेको फिल्मलाई फिलोमिन राजले सम्पादन गरेका हुन्।
