भारतीय कमेडियन कपिल शर्माले 'द ग्रेट इन्डियन कपिल शो' को दोस्रो सिजन ल्याउने भएका छन्।
भारतीय सञ्चारमाध्यम इन्डिया टुडेका अनुसार दोस्रो सिजनको लागि मंगलबारबाट छायांकन सुरू गरिएको छ। दोस्रो सिजनको पहिलो एपिसोडमा 'फेबुलस लाइफ अफ बलिउड वाइभस्' को कलाकारहरू अतिथि हुनेछन्।
दोस्रो सिजन कहिलेदेखि प्रसारण हुनेछ भनेर खुलासा गरिएको छैन। यही मार्च ३० मा कपिलको शो पहिलो एपिसोड प्रसारण भएको थियो भने जुन २२ मा अन्तिम एपिसोड प्रसारण भएको थियो। कमेडी शोको पहिलो सिजनमा १३ एपिसोड प्रसारण गरिएको थियो।
यस शोलाई दर्शकले निकै रूचाएका थिए। तर केही दर्शकले बारम्बार एकै खाल्को कुरा आएको भन्दै आलोचना समेत गरेका थिए। शोमा कपिलसँगै कृष्णा अभिषेक, कीकू शारदा, अर्चना पूरन सिंह, राजीव ठाकुरले प्रस्तुति दिएका थिए। यस सिजनमा क कसको प्रस्तुति हुन्छ भनेर खुलाइएको छैन।
