केही समयअघि हरर कमेडी फिल्म 'स्त्री २' मा अभिनेता अक्षय कुमारको अभिनय रहने खबर बाहिरिएको थियो।
१४ अगस्टमा यो फिल्म रिलिज भइसक्यो। फिल्ममा अक्षय कुमार देखिएका छन्। फिल्म रिलिज भएसँगै यसको तेस्रो पार्टमा अक्षय कुमारको मुख्य भूमिका हुने अनुमान गर्न सकिन्छ।
भारतीय सञ्चारमाध्यम दैनिक जागरणका अनुसार फिल्ममा अक्षय कुमार सरकटेको आत्मामा प्रवेश गर्छन् र उनी खतरनाक राक्षस बन्छन्।
फिल्ममा अक्षयलाई सरकटा भूतको वंशको रूपमा प्रस्तुत गरिएको छ। जसले गर्दा फिल्मप्रति दर्शकको चासो बढ्ने देखिएको छ।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
सन् २०१८ मा प्रदर्शन भएको फिल्ममा श्रद्धाले भूतनीको भूमिका निर्वाह गरेकी थिइन्।
