बलिउड अभिनेत्री कंगना रनावत अभिनीत फिल्म 'इमरजेन्सी' को ट्रेलर सार्वजनिक गरिएको छ।
बुधबार जी-स्टुडिओ युट्युब च्यानलमार्फत फिल्मको ट्रेलर सार्वजनिक गरिएको हो। फिल्म भारतकी पहिलो महिला प्रधानमन्त्री इन्दिरा गान्धीको जीवनीमा आधारित छ। कंगनाले पहिलो पटक इन्दिरा गान्धीको भूमिका निर्वाह गरेकी हुन्।
प्रधानमन्त्री गान्धीले देशमा 'इमरजेन्सी' घोषणा गरेको समयलाई फिल्ममा प्रस्तुत गरिएको छ। उनले सन् १९७५ जुन २५ देखि १९७७ मार्च २१ सम्म आपतकालीन समय घोषणा गरेकी थिइन्। फिल्मलाई कंगनाले आफैले निर्देशन गरेकी हुन्।
फिल्ममा कंगनासँगै श्रेयस तलपडे, अनुपम खेर, मिलिन्द सोमन, महिमा चौधरी, सतीश कौशिकलगायत कलाकारको अभिनय छ।
यो फिल्म ६ सेक्टेम्बरदेखि प्रदर्शन हुनेछ।
