यतिबेला बलिउड अभिनेता राजकुमार राव फिल्म 'स्त्री २' को प्रमोशनमा व्यस्त छन्।
यो फिल्म अगस्ट १४ रातिदेखि प्रदर्शन हुँदैछ। फिल्ममा अभिनेत्री श्रद्धा कपूर पनि मुख्य भूमिका छ। यो फिल्मपछि अभिनेता राजकुमार राव एक्सन थ्रिलर फिल्ममा देखिने भएका छन्।
भारतीय सञ्चारमाध्यम दैनिक जागरणका अनुसार फिल्ममा मानुषी छिल्लरको पनि मुख्य भूमिका रहनेछ। फिल्ममा राजकुमार उत्तर प्रदेशको पृष्ठभूमिबाट आएका एक ग्याङस्टारको भूमिकामा देखिनेछन्।
यो फिल्मको छायांकन प्राय उत्तर प्रदेशका भेगमा गरिनेछ भने केही भाग मुम्बईमा छायांकन गरिनेछ। फिल्म छायांनमा जानुअघि वर्कशप गरिनेछ।
राजकुमार रावको फिल्म 'स्त्री २' सँगै अक्षय कुमारको फिल्म 'खेल खेल में' र जोन अब्राहमको फिल्म 'वेदा' प्रदर्शन हुनेछ।
