बलिउड अभिनेत्री अनन्या पाण्डे प्रेममा परेकी छन्।
भारतीय सञ्चारमाध्यम दैनिक भास्करका अनुसार उनी पूर्व मोडल वाकर ब्लान्कोको प्रेममा परेकी हुन्। उनीहरूको भेट अनन्त अम्बानी र राधिका मर्चेन्टको दोस्रो प्रि-वेडिङमा भएको थियो।
उनीहरू छिट्टै साथी भए। त्यसपछि उनीहरूले एक अर्कालाई डेट गर्न थालेका हुन्। बम्बे टाइम्सका अनुसार अनन्त अम्बानीको विवाहमा अनन्याले वाकरलाई आफ्नो पार्टनरको रूपमा परिचित गराएकी थिइन्। उनीहरूले विवाहमा रोमान्टिक गीतमा डान्स समेत गरेका थिए। तर उनीहरूले आधिकारिक रूपमा आफ्नो प्रेम सम्बन्ध स्वीकार गरेका छैनन्।
अनन्याको प्रेम जीवन सधैं चर्चामा रहने गर्छ। उनी पहिला इशान खट्टरसँग प्रेम सम्बन्धमा थिइन्। डेढ वर्ष डेट गरेपछि उनीहरूको ब्रेकअप भएको थियो। त्यसपछि उनी आदित्य राय कपूरसँग प्रेम सम्बन्धमा बसेकी थिइन्। तर उनीहरूको प्रेम सम्बन्ध लामो समय टिक्न सकेन। गत मार्चमा उनीहरूको ब्रेकअप भएको थियो।
