फिल्मकर्मी सुवाष घईले थुप्रै यादगार फिल्म दिएका छन्। उनले 'कर्ज, हीरो, कर्मा, राम लखन, खलनायक' जस्ता फिल्म बनाएका छन्।
उनले एक अन्तर्वातामा आफ्नै फिल्मबाट हिरो बनेका अभिनेता ज्याकी श्राफलाई नराम्रो अभिनेता बताएका छन्।
'पाँच किसिमका अभिनेता हुन्छन्। एक हुन्छन् गैर अभिनेता, अर्का नराम्रो अभिनेता। ज्याकी श्राफ नराम्रो अभिनेता थिए। अनिल कपूर ओभरकन्फिडेन्ट थिए। उनी सधैं शत्रुघ्न सिन्हा थिए,' उनले भने।
सुवाषले आफ्नो फिल्म 'कर्मा', 'राम लखन' र 'त्रिमूर्ति' मा ज्याकी श्राफ र अनिल कपूरसँग काम गरेका थिए।
उनले शाहरूख खानसँग फिल्म 'परदेश' मा काम गरेका थिए। उनले शाहरूखसँग आफ्नो सम्बन्धको बारेमा बताउँदै भने, 'फिल्म परदेशमा शाहरूखसँग काम गर्दा मेरो मन मुटाव चलिरहन्थ्यो। तँ तँ-म म चलिरहन्थ्यो।'
सुवाष लेखक, निर्देशक तथा निर्माता हुन्। उनले २० वर्षको अवधिमा थुप्रै हिट फिल्म दिएका छन्।
