भारतीय रियालिटी शो बिग बोस दर्शकले खुब रूचाइरहेका छन्।
यो हिन्दी भाषासँगै अन्य भाषामा पनि प्रसारण भइरहेको छ। हिन्दी भाषामा यसको १७ सिजन र ओटिटीमा ३ सिजन प्रसारण भइसकेको छ।
यो शो तमिल भाषामा पनि निकै चर्चित छ। गत वर्ष सातौं सिजन प्रसारण भएको थियो भने अब नयाँ सिजन प्रसारण हुँदैछ। शोलाई कमल हासनले होस्ट गरिरहेका थिए। तर अब उनले बिग बोस ८ होस्ट नगर्ने भएका छन्।
मंगलबार सामाजिक सञ्जालमा एक पोस्ट गर्दै उनले उक्त घोषणा गरेका हुन्। 'प्रिय दर्शक, भारी मनले म यो जानकारी दिन चाहन्छु कि ७ वर्षअघि सुरू भएको यात्राबाट सानो ब्रेक लिन चाहन्छु। केही फिल्मको सम्झौता पुरा गर्नुपर्ने भएको हुँदा बिग बोस तमिलको आगामी सिजन गर्न असमर्थ छु,' उनले लेखेका छन्।
कमल हासन हालै 'कल्की २८९८ एडी' मा देखिएका थिए। अब उनी निर्माता मणिरत्नमको फिल्म 'ठग लाइफ' मा देखिँदैछन्।
