बलिउड अभिनेता अजय देवगनले फिल्म 'सन अफ सरदार २' को छायांकन सुरू गरेका छन्।
फिल्मको सेटबाट अजय देवगनले एक भिडिओ सेयर गरेका छन्। उनले सार्वजनिक गरेको भिडिओमा मुहूर्तको केही क्लिप देखाइएको छ। जसमा अभिनेत्री मृणाल ठाकुर पनि देखिएकी छन्।
'सन अफ सरदार' मा अजय देवगन, सोनाक्षी सिन्हा, जूही चावला, सञ्जय दत्त, तनुजा, अर्जन बाजवालगायत कलाकारको मुख्य भूमिका थियो। तर 'सन अफ सरदार २' मा सोनाक्षी सिन्हा र सञ्जय दत्त देखिने छैनन्।
'सन अफ सरदार' एसएस राजामौली निर्देशित फिल्म 'रमन्ना' को हिन्दी रिमेक हो। 'सन अफ सरदार' सन् २०१२ मा प्रदर्शन भएको थियो। कमेडी एक्सन फिल्मको १२ वर्षपछि सिक्वेल आउँदैछ।
