बलिउड अभिनेता राजकुमार राव र अभिनेत्री श्रद्धा कपूर अभिनीत फिल्म 'स्त्री २' को गीत सार्वजनिक भएको छ।
मंगलबार सारेगम म्युजिक युट्युब च्यानलबाट 'तुम्हारे हि रहेंगे हम' बोलको गीत सार्वजनिक गरिएको हो। सार्वजनिक गीतमा राजकुमार र श्रद्धालाई रोमान्टिक अवतारमा प्रस्तुत गरिएको छ।
वरूण जैन, शिल्पा राव, सचिन जिगरको स्वर रहेको गीतमा अमिताभ भट्टार्चायको शब्द सचिन जिगरको संगीत रहेको छ।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
सन् २०१८ मा प्रदर्शन भएको फिल्ममा श्रद्धाले भूतनीको भूमिका निर्वाह गरेकी थिइन्। यो फिल्मले बक्स अफिसमा सफलता हासिल गरेसँगै दर्शक 'स्त्री २' को पर्खाइमा छन्।
‘स्त्री २’ १५ अगस्टदेखि हलमा रिलिज हुनेछ।
गीत हेर्न यहाँ क्लिक गर्नुहोस्।
