यशराज फिल्म्सको स्पाई युनिभर्सका फिल्मको चर्चा भइरहन्छ। यस युनिभर्सको फिल्ममा हरेक बलिउड कलाकार सहभागी हुन चाहन्छन्।
दीपिका पादुकोण, कट्रीना कैफपछि अब आलिया भट्ट यस स्पाई युनिभर्सको मुख्य अभिनेत्री बन्दैछिन्। भारतीय सञ्चारमाध्यम दैनिक जागरणका अनुसार आलिया एक अन्डरकभर एजेन्टको भूमिकामा देखिनेछिन्। दर्शक यस फिल्मका लागि उत्साहित देखिएका छन्।
फिल्ममा उनीसँगै शरवरी वाघको अभिनय रहनेछ। आलियाले हालै आफ्नो इन्स्टाग्राममार्फत फिल्मको नाम सार्वजनिक गरिरहेकी छन्।
यो फिल्मको नाम 'अल्फा' राखिएको छ। जसको अर्थ हुन्छ सर्वश्रेष्ठ। आलियाले फिल्मको छायांकन सुरू गरिसकेकी छन्।
आदित्य चोपडाले निर्माण गर्ने फिल्मलाई शिव रावलले निर्देशन गर्नेछन्। निर्माण टिमले अन्धेरीमा वाईआरएफ स्टूडियोमा एक महिना छायांकन गर्ने योजना बनाएका छन्।
फिल्ममा आलियाको एक्सन सिन हुनेछ। फिल्मको सेटबाट कुनै पनि सामाग्री नबाहिरियोस् भनेर आदित्यले कडा सुरक्षा व्यवस्था गरेका छन्।
