बलिउड अभिनेता सन्नी देओल दक्षिण भारतीय फिल्म क्षेत्रमा डेब्यू गर्दैछन्।
उनले फिल्म 'जट' बाट दक्षिण भारतीय फिल्ममा डेब्यू गर्न लागेका हुन्। यस फिल्मलाई गोपीचन्द मलिनेनीले निर्देशन गर्नेछन्। भारतीय सञ्चारमाध्यम पिंकभिलाका अनुसार यो एक्सन फिल्म हो।
फिल्मलाई माइथ्री मुभीले निर्माण गर्न लागेको हो। जसले अल्लू अर्जुन अभिनीत फिल्म 'पुष्पा २' लाई पनि निर्माण गरिरहेको छ।
सन्नी देओलको फिल्म 'जट' को तीन महिनामा छायांकन सकिनेछ। केही दिनअघि मात्रै फिल्मको छायांकन सुरू गरिएको छ। फिल्ममा सन्नी मास एक्सन हिरोको रूपमा देखिनेछन्। फिल्ममा सन्नीसँगै सैयामी खेर र रेजिना कैसेंड्राको पनि अभिनय रहनेछ।
