बलिउड अभिनेता विक्की कौशल, एमी विर्क र अभिनेत्री तृप्ति डिमरी अभिनीत फिल्म 'ब्याड न्यूज' को ट्रेलर सार्वजनिक भएको छ।
सार्वजनिक ट्रेलरमा तृप्ति विक्की र एमीको प्रेममा भएको देखाइएको छ। आनन्द तिवारीले निर्देशन गरेको 'ब्याड न्यूज' मा विक्की, एमी र तृप्तिसँगै नेहा धूपिया, अनन्या पान्डेलगायत कलाकारको अभिनय छ।
यो फिल्म १९ जुलाईदेखि प्रदर्शनमा आउनेछ।
यो फिल्म धर्मा प्रोडक्सनले निर्माण गरेको हो। जसले सन् २०१९ मा फिल्म 'गुड न्यूज' बनाएको थियो। यस फिल्ममा अक्षय कुमार, करीना कपूर खान, कियारा आडवाणी र दिलजीत दोसाँझको अभिनय थियो।
