बलिउड अभिनेता वरूण धवन अभिनीत फिल्म 'बेबी जान' र अभिनेता विक्की कौशल र अभिनेत्री तृप्ति डिमरीको फिल्म 'ब्याड न्यूज' को प्रदर्शन मिति घोषणा गरिएको छ।
वरूणको फिल्म ३१ मेमा प्रदर्शन हुने भनिएको थियो। अब यो फिल्म क्रिसमसको अवसर पारेर २५ डिसेम्बरदेखि प्रदर्शन हुनेछ।
विक्की र तृप्तिको फिल्म १९ जुलाईदेखि प्रदर्शन हुनेछ।
एटलीले निर्देशन गरेको फिल्म 'बेबी जान' मा वरूणसँगै कीर्ति सुरेश, वामिका गब्बी र ज्याकी श्राफलगायत कलाकारको अभिनय छ। यो फिल्मलाई प्रिया मुराद खेतानी र ज्योति देशपान्डेले मिलेर निर्माण गरेका हुन्।
आनन्द तिवारीले निर्देशन गरेको 'ब्याड न्यूज' मा विक्की र तृप्तिसँगै एमी विर्क, नेहा धूपिया, अनन्या पान्डेलगायत कलाकारको अभिनय छ। यस फिल्मलाई धर्मा प्रोडक्सनले निर्माण गरेको हो। जसले सन् २०१९ मा फिल्म 'गुड न्यूज' बनाएको थियो। यस फिल्ममा अक्षय कुमार, करीना कपूर खान, कियारा आडवाणी र दिलजीत दोसाँझको अभिनय थियो।
