बलिउड अभिनेत्री कंगना रनावतको फिल्म 'इमर्जेन्सी' को प्रदर्शन मिति घोषणा गरिएको छ।
मंगलबार एक पोस्टर सार्वजनिक गर्दै फिल्मको प्रदर्शन मिति घोषणा गरिएको हो। यो फिल्म सेप्टेम्बर ६ अर्थात भदौ २१ गतेदेखि प्रदर्शन हुनेछ।
कंगनाले सामाजिक सञ्जालमा पोस्टर सेयर गर्दै लेखेकी छन्, 'भारतको सबैभन्दा कालो अध्याय ५० औं स्वतन्ताको सुरूवात। यो फिल्म ६ सेप्टेम्बरदेखि प्रदर्शन हुनेछ।'
फिल्मलाई कंगनाले नै निर्माण तथा निर्देशन गरेकी हुन्। फिल्ममा कंगना भारतकी पूर्वप्रधानमन्त्री इन्दिरा गान्धीको भूमिकामा देखिएकी छन्।
फिल्ममा उनीसँगै अनुपम खेर, महिमा चौधरी, मिलिन्द सोमन, श्रेयस तलपडे, विशाक नय्यर, सतीश कौशिकलगायत कलाकारको अभिनय छ।
