भारतीय कमेडियन कपिल शर्माको शो 'द ग्रेट इन्डियन कपिल शो' को दोस्रो सिजन आउने भएको छ।
कपिलको यो शो ओटिटी प्लेटर्फममा स्ट्रिम भइरहेको छ। आगामी शनिबारदेखि यस सिजनको अन्त्य हुँदैछ।
यस शो पहिलो एपिसोड ३० मार्चमा आएको थियो। करिब २ महिना दर्शकलाई मनोरञ्जन दिएपछि पहिलो सिजनको अन्त्य हुन लागेको हो।
आगामी एपिसोडमा 'चन्दु च्याम्पियन' का अभिनेता कार्तिक आर्यन आफ्नो परिवारसँग देखिछन्। यसैबीच दोस्रो सिजनको घोषणा गरिएको छ।
नेटफ्लिक्स इन्डियाले ट्विटरमा एक पोस्ट गर्दै दोस्रो सिजनको घोषणा गरेको छ।
'मनोरञ्जनको वर्षात हुनेछ दोस्रो पटक किनकी केही महिनामै द ग्रेट इन्डियन कपिल शोको सिजन २ आउनेछ,' लेखिएको छ।
