कमेडीको डोज भनेर चिनिने कपिल शर्मा भारतका महँगा कमेडियन मध्येका एक हुन्।
हाल उनको 'द ग्रेट इन्डियन कपिल शो' नेटफ्लिक्समा प्रसारण भइरहेको छ। यसअघि सोनी टिभीमा उनको 'द कपिल शर्मा शो' प्रसारण हुन्थ्यो।
भारतीय सञ्चारमाध्यम सियासतका अनुसार कपिल 'द ग्रेट इन्डियन कपिल शो' को पाँच एपिसोडको लागि २६ करोड भारू लिइरहेका छन्। जसअनुसार उनी एक एपिसोडको लागि ५ करोड भारू लिन्छन्।
हाल उनी टिभीमा सबैभन्दा धेरै कमाउने कमेडियनहरूको सूचीमा छन्।
शोमा कपिलसँगै अर्चना पुरण सिंह, कृष्ण अभिषेक, कीकू शारदा र सुनील ग्रोवरलगायतले प्रस्तुति दिइरहेका छन्। ६ वर्षपछि शोमा सुनील ग्रोवरले कमब्याक गरेका हुन्।
कपिल र सुनीलबीच झगडा भएपछि सुनीलले शो छाडेका थिए। सुनीललाई कपिलले जहाजमा दुर्व्यवहार गरेका थिए। यो विवाद बढ्दै गएपछि सुनीलले शो छाडेका हुन्।
