दक्षिण भारतीय अभिनेता अल्लू अर्जुनको फिल्म 'पुष्पा २' प्रदर्शनी तयारीमा छ। यो फिल्म अगस्ट १५ मा रिलिज हुँदैछ।
यो फिल्मको पहिलो भागले बक्स अफिसमा नयाँ रेकर्ड राखेको थियो। 'पुष्पा २' मा अल्लूसँगै अभिनेत्री रश्मिका मन्दाना, फहाद फासिलको मुख्य भूमिका देख्न सकिन्छ।
'पुष्पा २' ले रिलिजअघि नै ५७० करोड भारू कमाएको छ। फिल्मको हिन्दी संस्करण २०० करोड भारूमा बिक्री भएको छ भने दक्षिण भारतीय वितरकले फिल्म २७० करोडमा किनेका छन्।
भारतीय सञ्चारमाध्यम नवभारत टाइम्सका अनुसार अब अभिनेता अल्लू अर्जुनले आफ्नो पारिश्रमिक बढाएका छन्। उनले आफ्नो ३० प्रतिशत पारिश्रमिक बढाएका हुन्।
यसअघि अल्लू अर्जुन १०० करोड भारू लिन्थे भने अब उनी १५० करोड भारू लिने बताइएको छ। तर अभिनेता अल्लू अर्जुनले आफ्नो पारिश्रमिकबारे कुराकानी गरेका छैनन्।
