बलिउड अभिनेत्री ऋचा चड्ढा आमा बन्दैछिन्।
केही समयअघि ऋचा र उनका श्रीमान अली फजलले इन्स्टाग्राममा एक तस्बिर पोस्ट गर्दै आमाबुवा बन्न लागेको जानकारी दिएका थिए। सोमबार उनीहरूले एक कार्यक्रममा खुशी साटेका छन्।
उनीहरूले प्रोडक्सन कम्पनी खोलेका छन्। जसको नाम पुशिङ बटन स्टूडियोज राखिएको छ। सोमबार उनीहरूले एक पत्रकार सम्मेलन राख्दै कम्पनीबाट बन्ने फिल्मको नाम सार्वजनिक गरेका छन्।
'जब हामीले प्रोडक्सन कम्पनीको सुरूवात गर्याे तब मानिसहरूले सबै फिल्म ऋचाले काम गर्छिन् होला भने। तर हाम्रो यस्तो सोच छैन। हामी राम्रो विषयवस्तु राम्रा कलाकारलाई लिएर फिल्म बनाउने छौं। हाम्रो पहिलो फिल्म 'गर्ल्स विल वि गर्ल्स' हुनेछ,' ऋचाले भनिन्।
यसपछि उनीहरूको प्रोडक्सन कम्पनीबाट 'पपीता, पिंकी प्रोमिस, मिस पामोलिव अल नाइट कैबरे' जस्ता फिल्म बन्नेछ।
ऋचा र अलीले सन् २०२२ मा विवाह गरेका थिए।
