बलिउड अभिनेत्री यामी गौतम अभिनीत फिल्म 'आर्टिकल ३७०' ले भारतीय बक्स अफिसमा राम्रो कमाइ गरिरहेको छ।
भारतीय सञ्चारमाध्यम एनडिटिभीका अनुसार फिल्मले पाँच दिनमा २९ करोड ४० लाख भारू कमाएको छ। फिल्मले विश्वभरबाट ३६ करोड भारू कमाएको छ।
५ करोड ९ लाख भारूमा ओपनिङ गरेको फिल्मले दोस्रो दिन ७ करोड ४ लाख, तेस्रो दिन ९ करोड ६ लाख, चौथो दिन ३ करोड २५ लाख र पाँचौ दिन ३ करोड २५ लाख भारू कमाएको हो। फिल्मको बजेट २० करोड भारू बताइएको छ।
यो फिल्ममा जम्मू-कश्मीरमा लगाइएको धारा ३७० खारेज गर्ने कथा देखाइएको छ।
आदित्य सुहास जम्भले निर्देशित फिल्म 'आर्टिकल ३७०' मा यामी गौतम, प्रियमणी, किरण कर्माकरलगायत कलाकारको अभिनय छ। फिल्ममा यामी गौतमले एक स्थानीय जासूसको भूमिका निर्वाह गरेकी छन्।
