बलिउड अभिनेता सिद्वार्थ मल्होत्रा अभिनीत फिल्म 'योद्धा' को टिजर सार्वजनिक भएको छ।
सोमबार धर्मा प्रोडक्सन युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा एक प्लेन हाईज्याक गरेको देख्न सकिन्छ।
केही दिनअघि फिल्मको पोस्टर सार्वजनिक गरिएको थियो। दुबईमा प्लेनबाट १३ हजार फिटको उचाइबाट पोस्टर सार्वजनिक गरेर फिल्मले नयाँ रेकर्ड राखेको छ।
पुस्कर ओझा र सागर अम्बरेले निर्देशन गरेको फिल्ममा सिद्धार्थसँगै राशि खन्ना र दिशा पाटनीको अभिनय छ। सिद्धार्थ र दिशाले पहिलोपटक एकसाथ काम गरेका हुन्।
यो फिल्म मार्च १५ देखि प्रदर्शन हुँदैछ।
