बलिउड अभिनेता सिद्वार्थ मल्होत्राको आगामी फिल्म 'योद्धा' को पोस्टर सार्वजनिक भएको छ।
फिल्मको टिजर भने फेब्रुअरी १९ मा रिलिज हुँदैछ। फिल्मको टिजर सार्वजनिक नहुँदै फिल्मले नयाँ रेकर्ड राखेको छ। फिल्मले धेरै उचाइबाट पोस्टर सार्वजनिक भएको रेकर्ड राखेको हो।
दुबईमा प्लेनबाट करिब १३ हजार फिटको उचाइबाट फिल्मको पोस्टर सार्वजनिक गरिएको छ। पोस्टर सार्वजनिक गरेको भिडिओ सिद्वार्थले सामाजिक सञ्चालमा सेयर गरेका छन्। पोस्टरमा उनलाई दमदार किसिमले प्रस्तुत गरिएको छ।
पुस्कर ओझा र सागर अम्बरेले निर्देशन गरेको फिल्ममा सिद्धार्थसँगै राशि खन्ना र दिशा पाटनीको अभिनय छ। यो फिल्म मार्च १५ देखि प्रदर्शन हुँदैछ।
बलिउडमा उनले धेरै फिल्ममा काम गरेका छन्। साथै पछिल्लो समय उनी रोहित शेट्टीले निर्देशन गरेको वेब सिरिज 'इन्डियन पुलिस फोर्स' मा देखिएका थिए।
