कलाकारहरूले आफ्नो अभिनयको कारण दर्शकको मन जितेका हुन्छन्। जसको कारण त्यस्ता कलाकारहरूलाई दर्शकले धेरै माया र सम्मान गर्छन्।
यस्तै एक दर्शकले बलिउडका एक अभिनेतालाई साइकल चलाएर भेटेका छन्। बलिउड अभिनेता कार्तिक आर्यनलाई एक फ्यानले भेटेका छन्। यतिबेला कार्तिकको भिडिओ सामाजिक सञ्जालमा भाइरल भइरहेको छ। भिडिओमा ९ दिन साइकल चलाएर एक जना फ्यान उनलाई भेट्न आएका छन्।
कार्तिकलाई भेट्न मन भएपछि फ्यानले साइकल यात्रा सुरू गरे। फ्यानले एक हजार किलोमिटरको यात्रा गरेर कार्तिकलाई भेट्न आएका थिए। कार्तिक र फ्यान भेटेपछि भावुक भएका थिए।
फ्यानले कार्तिकको हात चुम्बन गरे। उनीहरूले फोटो पनि खिचेका थिए।
कार्तिकले बलिउडमा २०११ बाट अभिनय सुरू गरेका थिए। पछिल्लो समय उनले बलिउडमा राम्रा कथाका फिल्ममा काम गरेका छन्।
