दक्षिण भारतीय अभिनेत्री सामन्थाले पडकास्टमार्फत कमब्याक गर्ने भएकी छन्। सात महिनापछि उनी पडकास्टमार्फत कमब्याक गर्न लागेकी हुन्।
पछिल्लो समय उनले बलिउड अभिनेता मनोज बाजपेयीको वेब सिरिज 'द फ्यामिली म्यान' काम गरेकी थिइन्। उनको अभिनयलाई दर्शकले मन पराएका थिए। 'सिटाडेल' वेब सिरिजको सुटिङ सकेपछि अभिनयमा ब्रेक गरेकी थिइन्। उनी यही सिरिजमा पनि देखिनेछन्।
आफ्नो स्वास्थ्यवास्थाको कारण उनले फिल्ममा सात महिना ब्रेक लिएकी थिइन्। उनलाई 'मायोसाइटिस' भन्ने रोग लागेको हो। यो रोगमा शरीर कमजोर हुने र मांसपेसीहरू दुख्ने हुन्छ। गम्भीर अवस्थामा मानिसलाई उभिन र हिँड्न समेत गाह्रो हुन्छ।
आइतबार उनले इन्स्टाग्राममा भिडिओ स्टोरी राख्दै आफू फर्किन लागेको बताएकी छन्। उनले भिडिओमार्फत आफूले हेल्थ पडकास्ट चलाउन लागेको बताएकी छन्।
