बलिउड अभिनेता धर्मेन्द्रले धेरै हिट फिल्ममा काम गरिसकेका छन्। उनले ३०० भन्दाबढि फिल्ममा काम गरेका छन्। उनीसँगै उनका छोरा सनी देओल र बबी देओलले पनि धेरै फिल्ममा काम गरेका छन्।
धर्मेन्द्र आफ्नो बायोपिक बन्यो भने छोरालाई नभई अभिनेता सलमान खानलाई देख्न चाहन्छन्। ८८ वर्षीय धर्मेन्द्र आफ्नो छवि सलमानमा देख्ने बताउँछन्।
सलमान पनि उनलाई बाबु सरह सम्मान गर्छन्। उनीहरूबीच आत्मिय सम्बन्ध देखिन्छ। सलमान उनको परिवार सदस्यहरूसँग पनि धेरै नजिक छन्।
धर्मेन्द्र बलिउडमा एक्सन हिरोका रूपमा चर्चित छन्। सन् १९७५ मा रमेश सिप्पी निर्देशित फिल्म 'सोले' उनको करिअरका लागि महत्वपूर्ण फिल्म बन्यो। उनी सन् १९९७ मा फिल्मफेयर लाइफटाइम अचिभमेन्टबाट सम्मानित समेत भएका छन्।
