दक्षिण भारतीय अभिनेता प्रभास नयाँ फिल्ममा देखिदैछन्। १०० करोड भारू बजेटमा निर्माण हुन लागेको फिल्म 'द राजा साब' मा प्रभासले अभिनय गर्दैछन्।
‘द राजा साब’ मा प्रभासलाई फरक भूमिका देख्न पाइने निर्माता विश्व प्रसादले बताए। एक अन्तरवार्तामा बोल्दै विश्व प्रसादले भने, ‘यो फिल्मको छायांकनको काम लगभग ४५ प्रतिशत सकिसकेको छ। फिल्ममा प्रभासको नयाँ रूप देख्न पाइनेछ। साथै फिल्मलाई दर्शकले धेरै मनपराउने आशा राखेका छौं।’
हरर कमेडी फिल्ममा प्रभाससँगै सञ्जय दत्त, मालबिका मोहनानलगायत कलाकारको अभिनय रहनेछ। यो फिल्म यही वर्ष रिलिज हुने बताइएको छ। फिल्मलाई मारूती दसरीले निर्देशन गर्नेछिन्।
प्रभासले धेरै हिट फिल्ममा काम गरेका छन्। उनी पछिल्लो समय फिल्म 'सलार' मा देखिएका थिए। उनी 'द राजा साब' सँगै 'कल्की एडी २८९८' मा देखिने छन्।
