बलिउड फिल्म 'एनिमल' ले बक्स अफिसमा धमाका मच्चाएको थियो। फिल्ममार्फत अभिनेता रणवीर कपूरले राम्रो चर्चा पाएका थिए।
फिल्मका निर्देशक सन्दिप रेड्डी अभिनेता सलमान खान लिएर फिल्म बनाउने तयारीमा छन्। भारतीय सञ्जारमाध्यम कोइमोइका अनुसार निर्देशकले रेड्डीले सलमानलाई फिल्म अफर गरेका छन्।
डार्क क्राइम एक्सन थ्रिलर फिल्ममा सलमानलाई काम गर्न उनले फिल्मको कथा पनि पठाएका छन्। सलमानले सन्दिपको फिल्ममा काम गर्ने नगर्ने जानकारी दिएका छैनन्।
सन्दिप र सलमानको सम्बन्ध भने खासै राम्रो छैन। सन्दिपले सलमानको फिल्मको नाम चोरेका थिए। सलमानको फिल्म 'किक' मा उनले निभाएको पात्रको नाम डेबिल थियो। यही नामलाई सन्दिपले फिल्म बनाउने भनेर प्रचार गरे। यो कुराले सलमान सन्दिपसँग रिसाएका थिए। तर सन्दिपले थाहा पाएपछि फिल्मको नाम सच्चाएर 'एनिमल' राखेका थिए।
