हलिउड फिल्म 'स्पाइडर म्यान' चर्चित सिरिज हो। यो फिल्मलाई विश्वभरका दर्शकले मनपराउँछन्। यो फिल्मलाई मनपराउनेहरू बढीमात्रामा बालबालिका छन्।
'स्पाइडर म्यान' का सिरिजमा धेरै अभिनेता परिवर्तन भए। जसमध्ये अभिनेता तथा संगीतकार डोनाल्ड ग्लोबर पनि हुन्। उनले सन् २०१७ मा 'स्पाइडर म्यान: होमकमिङ' र 'स्पाइडर म्यान: अक्रोस द स्पाइडर- भर्स' मा माइल्स मोरालेसका काका आरोनको भूमिका निर्वाह गरेका थिए।
भारतीय सञ्चारमाध्यम टाइम्स अफ इन्डियाका अनुसार डोनाल्डले स्पाइडरको भूमिका नगर्नुको कारण उनको उमेर हो। उनले एक अन्तरवार्तामा भनेका छन्, 'आफू अब बुढेसकालमा लागेकोले मलाई निर्देशक टिमले यो फिल्ममा राख्दैनन्। सायद उनीहरूले फोन नगरेपनि मलाई कुनै अचम्मित लाग्नेछैन।'
फिल्म निर्देशकले उनलाई स्पाइडर म्यानको पात्र बनाएका छैनन्। 'स्पाइड म्यानः अक्रोस द स्पाइडर भर्स' मा उनले छोटा भूमिका निर्वाह गरेका थिए।
