दक्षिण भारतीय अभिनेता थलापति विजयले राजनीतिमा प्रवेश गरेका छन्।
उनले भारतको लोकसभा चुनावअघि राजनीतिमा प्रवेश गरेका हुन्। उनले आफ्नो पार्टीको नाम पनि सार्वजनिक गरेका छन्।
उनले पार्टीको नाम 'तमिलागा भेत्री कझगम' राखेका छन्। उनले एक विज्ञप्ति सार्वजनिक गर्दै २०२४ लोकसभा चुनाव नलड्ने बताएका छन्। साथै उनले यस चुनावमा कुनै पार्टीलाई समर्थन नगर्ने समेत बताएका छन्।
'हाम्रो लक्ष्य आगामी २०२६ विधानसभा चुनाव लड्नु र जित्नु हो। साथै माैलिक राजनीतिक परिवर्तन लिनु हो,' विज्ञप्तिमा उल्लेख छ। उनले पार्टी दर्ता गर्न निर्वाचन आयोगमा आवेदन दिएका छन्।
दक्षिण भारतीय फिल्म क्षेत्रमा उनले छुट्टै पहिचान बनाएका छन्। फिल्म क्षेत्रमा रजनीकान्तपछि उनलाई दर्शकले खुबै मनपराउँछन्। उनले अभिनय गरेका फिल्महरू थुप्रै हिट छन्। अब उनी फिल्म 'गोट' मा देखिँदैछन्। फिल्ममा प्रभुदेवा, प्रशान्त र अजमललगायत कलाकारको अभिनय रहनेछ।
