बलिउड फिल्म 'एनिमल' ले बक्स अफिसमा राम्रो कमाइ गरेको थियो। फिल्मपछि अभिनेता रणवीर कपूर र बबी देओलले खुब चर्चा पाएका थिए।
बबीले यही फिल्मबाट अभिनयमा कमब्याक गरे भने रणवीरको लागि सबैभन्दा उत्कृष्ट फिल्म बन्यो। समीक्षकले फिल्मलाई मिश्रित प्रतिक्रिया दिए। फिल्म प्रदर्शनसँगै यसको सिक्वेल घोषणा गरिएको छ।
भारतीय सञ्चारमाध्यम दैनिक जागरणका अनुसार एनिमल पार्कको स्क्रिप्ट लेखन कार्य भइरहेको छ। कथा लेखन सुरू नगर्दै फिल्मको कथा बाहिरिएको छ। एनिमलमा भन्दा फरक कथा भएको सिक्वेलमा रणवीरको डुब्लीकेट हुनेछ।
एनिमलमा अनिल कपूरको छोरा भएर रणवीरले भूमिका गरेका थिए। यो सिक्वेलमा भने अभिनेत्री रश्मिका मन्दाना र रणवीरको बालबच्चाको कथामा केन्द्रित रहने बताइएको छ।
'एनिमल' ले ९०० करोड भारू कमाएको छ। रणवीरले आफ्नो एक्सन भूमिकामार्फत दर्शकको मन जितेका थिए।
