दक्षिण भारतीय अभिनेता अल्लु अर्जुनको फिल्म 'पुष्पा २' प्रदर्शनी तयारीमा छ। यो फिल्म अगस्ट १५ मा रिलिज हुँदैछ।
यो फिल्मको पहिलो भागले बक्स अफिसमा नयाँ रेकर्ड राखेको थियो। 'पुष्पा २' मा अल्लुसँगै अभिनेत्री रश्मिका मन्दाना, फहाद फासिलको मुख्य भूमिका देख्न सकिन्छ।
दक्षिण भारतीय मात्र नभई बलिउड दर्शकमाझ पनि चर्चित रहेका अल्लु अर्जुन यो फिल्म प्रदर्शन नहुँदै अरू फिल्ममा काम गर्दैछन्।
उनी त्रिविक्रम श्रीनिवासले निर्देशन गरेको फिल्म 'एए२२' मा काम गर्ने तयारीमा छन्।
यो फिल्ममा अभिनेत्री त्रिशाको पनि मुख्य भूमिका छ।
भारतीय सञ्चारमाध्यमहरूका अनुसार अल्लुले बोयापति श्रेणुसँग पनि काम गर्दै छ। फिल्म सुटिङ पनि भइरहेको छ। यो फिल्मको नाम भने घोषणा भइसकेको छैन।
