बलिउड अभिनेत्री दिपिका पादुकोणले नयाँ रेकर्ड राखेकी छन्। उनले अभियन गरेका तीन फिल्मले लगातार सय करोडभन्दा धेरै कमाएका छन्।
उनी बलिउडको सय करोड क्लबमा समावेश भएकी छन्।
२०२३ मा प्रदर्शन भएका फिल्महरू ‘पठान’ र ‘जवान’ ब्लकबस्टर फिल्मका रूपमा घोषणा भएको थियो।
यी दुई फिल्ममा दिपिकाको मुख्य भूमिका छ।
यस्तै उनले हाल प्रदर्शन भइरहेको फिल्म ‘फाइटर’ मा पनि ऋतिकसँग पहिलोपटक स्क्रिन सेयर गरेकी छन्। उनीहरूको जोडी दर्शकले मनपराएका छन्। यो फिल्मले पनि हालसम्म बक्स अफिसमा १२७ करोड भारू कमाएको छ। फिल्म प्रदर्शन भएको चार दिनमै सय करोड क्लबमा प्रवेश गरेको थियो।
भारतीय सञ्चारमाध्यम टिभी९हिन्दी डटकमका अनुसार दिपिकाले पछिल्लो समय काम गरेका तीन फिल्म सय करोड क्लबमा प्रवेश गरेका छन्।
योसँगै बलिउडका अन्य अभिनेत्रीहरूलाई दिपिकाले पछि पारेकी छन्।
‘फाइटर’ पछि दिपिका नयाँ फिल्ममा काम गर्ने तयारीमा छिन्। दक्षिण भारतीय फिल्म ‘कल्कि २८९८ एडी’ मा उनी देखिनेछिन्।
यस्तै दिपिका बलिउड फिल्म ‘सिंघम अगेन’ मा देखिँदैछिन्। यो फिल्म रोहित शेट्टीले निर्देशन गरेका हुन्।
