दक्षिण भारतीय फिल्म 'हनुमान' बक्स अफिसमा तहल्का मच्चाइरहेको छ।
१२ जनवरीदेखि रिलिज भएको फिल्ममा तेजा सज्जाले उत्कृष्ट अभिनय गरेका छन्। यतिबेला उनले चर्चा पाइरहेका छन्।
रिलिज भएको चार दिनमै यो फिल्मले बक्स अफिसमा यतिबेला अरु फिल्मलाई पछाडि पारेको छ।
भारतीय संचारमाध्यम पत्रिका डटकमका अनुसार ५० करोडमा बनेको फिल्मले चार दिनमा ५५ करोड ८५ लाख कमाएको छ। फिल्मले दोस्रो दिन १२ करोड ४५ लाख भारू कमाएको थियो। तेस्रो दिन १६ करोड कमायो भने चौथो दिन यो फिल्मले १५ करोड २ लाख कमाएको छ।
प्रशान्त वर्माले निर्देशित फिल्ममा तेजा सज्जासँगै अमृता अय्यार, वरलक्ष्मी सरथकुमार, विनय राय, राज दिपक शेट्टीले भूमिका रहेको छ।
