बलिउड फिल्ममा अवसर पाउन सहज हुँदैन। बलिउडका एक यस्ता अभिनेता छन्। जसले लामो समय सहायक अभिनेताको रूपमा काम गरे। उनी हुन् राजपाल यादव।
उत्तर प्रदेशमा जन्मिएका उनले आफ्नो जीवनमा पनि धेरै संघर्ष गरेका छन्। उनी फिल्ममा आउनुअघि लुगा सिलाउने काम गर्थे। उनको सानै उमेरमा विवाह भयो। विवाह भएको केही समयपछि उनकी श्रीमतीको मृत्यु भयो। यसपछि बल्ल उनले अभिनय सुरू गरेका थिए। उनी आफ्नो अभिनयमा एकदम मेहेनत गर्छन्।
यतिबेला उनी बलिउडमा हास्य कलाकारको रूपमा परिचित छन्। सहायक पात्रबाट अभिनय सुरू गरेका उनी दर्शकको प्रिय अभिनेता बनिसकेका छन्। उनले सहायक पात्र मार्फत दर्शकको मन जित्न सफल भएका छन्। उनी अहिले एउटा फिल्ममा अभिनय गरेवापत ३ करोड भारू पारिश्रमिक लिन्छन्।
अभिनय गरेको कारण उनले विभिन्न राष्ट्रिय तथा अन्तर्राष्ट्रिय अर्वाड पाएका छन्। हालै रिलिज भएको फिल्म 'अपूर्वा' मा उनले खलनायकको भूमिका निर्वाह गरेका छन्।
