बलिउड अभिनेत्री कट्रिना कैफ र विजय सेतुपति अभिनीत फिल्म 'मेरी क्रिसमस' सिनेमा हलमा प्रदर्शन भइरहेको छ।
भारतीय सञ्चारमाध्यमका अनुसार फिल्मले दुई दिनमा ६ करोड ५ लाख कमाएको छ। पहिलो दिन २ करोड ५५ लाख भारू कमाएको फिल्मले दोस्रो दिन ३ करोड ५० लाख भारू कमाएको हो।
यो फिल्मको बजेट ६० करोड भारू बताएको छ। ठूलो बजेटको फिल्मले खासै राम्रो कमाउन नसकेको भारतीय फिल्मकर्मीले बताएका छन्।
श्रीराम राघवन निर्देशित फिल्म 'मेरी क्रिसमस' मा कट्रीना कैफ, विजय सेतुपति र राधिका अप्टेको मुख्य भूमिका छ। फिल्म उनीहरूले पहिलोपटक एकसाथ काम गरेका हुन्।
