बलिउड अभिनेता रणवीर कपूर अभिनीत फिल्म ‘एनिमल’ ओटिटी प्लेटर्फममा रिलिज हुने भएको छ।
भारतीय सञ्चारमाध्यमका अनुसार यो फिल्म २६ जनावरीदेखि नेटफ्लिक्समा रिलिज हुनेछ।
१ डिसेम्बरदेखि हलमा प्रदर्शन भएको फिल्मले विश्वव्यापी रूपमा आक्रमक व्यापार गरेको छ। फिल्मले विश्वव्यापी रूपमा ८८२ करोड ४० लाख भारूबढी कमाइ गरिसकेको छ भने भारतमा ५४० करोड ८४ लाख भारूबढी कमाइ गरिसकेको छ। यो फिल्म हलमा अझै प्रदर्शन भइरहेको छ।
सन्दिप रेड्डी वांगाले निर्देशन गरेको फिल्ममा रणवीरसँगै रश्मिका मन्दना, बबी देओल, अनिल कपूर, तृप्ति डिमरीको मुख्य भूमिका छ। फिल्ममा अनिल रणवीरको बाबुको भूमिकामा छन् भने रश्मिका उनको श्रीमतीको भूमिकामा देखिएका छन्।
फिल्मको कथालाई सन्दिपले नै लेखेका हुन् भने फिल्ममा भुषण कुमार, प्रणय रेड्डी, मुरद खेतानी र कृष्ण कुमारले लगानी गरेका छन्।
